పెరుగు - ఉపయోగాలు

* పెరుగు జీర్ణమండలానికి మంచి టానిక్ వంటిది. తేలికగా జీర్ణమవుతుంది.
* గోరు వెచ్చని పాలలో ఒక చుక్క పెరుగు వేస్తే ఆ పాలు కొన్ని గంటలలో పెరుగుగా మారిపోతాయి.
* పెరుగు మంచి పోషకాహారం.
* పెరుగులో ఉండే మాసిడోమిల్లస్ , బిఫిడస్ .. శరీరానికి మేలుచేసే బాక్టీరియాను  వృద్ది చేస్తాయి.
ఈ బాక్టీరియా శరీరానికి అవసరమైన ఖనిజ లవణాలను శరీరంలోనుంచి బయటకు పోనివ్వకుండా రక్తం లోకి పంపుతాయి. 
* పెరుగు జీర్ణమండలంలో ఉండే హానికారక బాక్టీరియాను నాశనం చేస్తుంది.
* పెరుగు కంటే మజ్జిగ మరింత శ్రేష్టం .
* పెరుగు లేదా మజ్జిగలో ఉండే విటమిన్ కె  రోగనిరోధకశక్తిని పెంచుతుంది.
* మలబద్దకం , అజీర్ణం , విరేచనాలకు ఎక్కువగా తీసుకునే పెరుగు లేదా మజ్జిగ మంచి మందు. 
* అపెండిసైటిస్,  డయేరియా, డిసెంట్రీ వంటి వ్యాధులకు కారకమయ్యే బాక్టీరియాను పెరుగు లేదా మజ్జిగలో ఉండే లాక్టిక్ యాసిడ్ నాశనం చేస్తుంది. ఆ వ్యాధులను  తగ్గించడంలో  ఉపయోగకారి.
* వయసు పెరగడం వలన కలిగే శరీరక్షీణతను  అరికడుతుంది.
* పైల్స్ కు మంచిమందు.
* విరేచనం అయినపుడు మలద్వారంలో మంట కలుగుతుంటే నిమ్మరసం కలిపిన పెరుగు వాడడం వలన తగ్గుతుంది.
* నిద్ర పట్టక బాధపడేవారికి  రాత్రివేళలో  పెరుగు తీసుకోవడం  వలన నిద్ర వస్తుంది.
* సోరియాసిస్ , కొన్ని చర్మవ్యాధులు , కొన్ని రకాల గడ్డలు ఉన్నపుడు పెరుగులో ముంచిన పలుచని , మెత్తని వస్త్రాన్ని కొన్ని గంటల పాటు ఉంచుతూ ఉంటే ఆ చర్మవ్యాధులు తగ్గుతాయి.
 గడ్డలు తగ్గుతాయి. లేదా పగిలి చీము బయటకు వచ్చి తగ్గిపోతాయి.
* పెరుగులో కొద్దిగా నిమ్మరసం  కలిపి రోజూ పదిహేను నిమిషాల పాటు ముఖానికి రాసుకోవడం వలన ముఖం మృదువుగా ,కాంతివంతంగా మారుతుంది.
* పెరుగు లేదా మజ్జిగ సర్వకాలాల్లోనూ తప్పక తీసుకోవలసిన ఆహారం మరియు ఔషధం.